बैतडी –बैतडीको मेलौली नगरपालिका–५ खलिगाड घर भइ हाल कञ्चनपुरको दोधारा–चाँदनी बस्दै रविसिंह पुजारा विगत दुई वर्षदेखि सम्पर्कविहीन भएका छन् ।
रोजगारी सिलसिलामा दुई बर्ष अगाडि भारतको पञ्जाब पुगेका ३५ बर्षीय पुजारा उतैबाट सम्पर्कविहिन भएका पारिवारिक श्रोतले जनाएको छ । लामो समयदेखि पुजारा सम्पर्कमा आएपछि आफन्तले खोजीका लागि अपिल गरेका हुन् ।
भारतका विभिन्न स्थानमा उनलाई देख्ने, भेट्ने वा उनको अवस्थाबारे जानकारी पाएका व्यक्तिले परिवार वा नजिकैको प्रहरी कार्यालयमा खबर गरिदिन आग्रह गरिएको छ ।
हालको उनको परिवार दोधारा–चाँदनी नगरपालिका –२ मा बस्दै आएको छ । घरमा उनका आमा, बुवा, श्रीमती र एक छोरा रहेका छन् ।
परिवारले रविको खोजीमा सहयोग गरिदिन सबैसँग आग्रह गरेको छ । प्रहरीको आधिकारिक वेबसाइटमा पनि हराएका मानिससम्बन्धी विवरण उपलब्ध हुने व्यवस्था गरिएको छ ।
सुन्दर सुदूरपश्चिमेली युवा समाज केन्द्रीय समिति भारत र प्रवासी नेपालीहरुले पनि पुजाराको खोजीका लागि गरिरहेको समितिका सचिव डम्बर ठगुन्नाले बताए ।
रविको बारेमा कसैले जानकारी पाएमा भारतमा ०९१९६२५५८५६०७, नेपालमा ९७६३८१५३१४ र ९७६५०५५८०२ नम्बरमा सम्पर्क गरिदिन आग्रह गरिएको छ ।
