बैतडीको शिवनाथमा आज र भोलि दुई दिन स्थानीय सार्वजनिक बिदा

बैतडी–बैतडीको शिवनाथ गाउँपालिकाले आज र भोलि दुई दिन स्थानीय सार्वजनिक बिदा दिएको छ । 

गाउँपालिकास्थित प्रसिद्ध शिवनाथ धाममा आज र भोलि जात्रा हुने भएकाले गाउँपालिकाले सार्वजनिक बिदा दिएको छ । 

शिवनाथ धामको जात्रामा स्थानीयहरुको उल्लासमय सहभागितालाई दृष्टिगत गर्दै दुई दिन स्थानीय सार्वजनिक बिदा दिइएको गाउँपालिका अध्यक्ष कर्णसिंह साउदले बताए । 

शिवनाथ धामको जात्रा आजदेखि शुरु हुँदैछ । शिवनाथ धाममा हरेक बर्ष कार्तिक शुक्ल सप्तमी र अष्टमीका दिन जात्रा हुने गरेको छ । यो जात्रामा नेपालका मात्रै नभएर भारतीय दर्शनार्थीहरु समेत आउने गरेका छन् । 

प्रकाशित मिति: सोमबार, कात्तिक ३०, २०८३  ०८:१०
प्रतिक्रिया दिनुहोस्
साताको लोकप्रिय
Weather Update